កំពត ៖ រមណីយដ្ឋានដូងទេរ គឺជាកន្លែងកំសាន្តមួយ ដែលអាចឲ្យបងប្អូនគេចផុតពីភាពតានតឹង ដោយសម្រាកលំហែរកាយនៅលើ ឆ្នេរធម្មជាតិ ដ៏ស្រស់ស្អាត ថែមទាំងមាន ការកំសាន្តផ្សេងៗ នៅលើទឹក ដូចជាការជិះទូកកៃយ៉ាកជាដើម។ ពេលទៅដល់ទីនោះ មានដើមឈើធំៗ ខៀវស្រងាត់ ដែលជាម្លប់យ៉ាង ត្រជាក់ចិត្តដល់ភ្ញៀវទេសចរណ៍ផងដែរ។
ចំណែកឯ ទេសភាពវិញ គឺមានភាពទាក់ ទាញ និង អំណោយផលខ្លាំង ដោយ សារ ស្ថិតនៅជាប់ ដងព្រែកកំពត ព្រម ទាំងមានទេសភាព ជួរភ្នំនៅពីខាងមុខផងដែរ។ កាន់តែពិសេស ជាងនេះទៅទៀតនោះគឺភ្ញៀវទេសចរណ៍ អាចភ្លក់រសជាតិ អាហារក្នុងស្រុក ដែលមានរសជាតិ ដ៏ឈ្ងុយឆ្ងា ញ់ថែមទៀតផង។ រមណីយដ្ឋានដូងទេរ គឺមានចំងាយត្រឹម តែ ៧ គីឡូម៉ែត ពីក្រុងកំពតតែ ប៉ុណ្ណោះ ។
ភ្ញៀវទេសចរណ៍យើងអាច ធ្វើដំណើរបាន តាមបណ្តោយផ្លូវ ទៅរមណីយដ្ឋានទឹក ឈូ ដែលមានទីតាំងស្ថិត នៅជាប់ ហ្គ្រេដ កំពត នៅឃុំម៉ាក់ប្រាង្គ ស្រុកទឹកឈូ ខេត្ត កំពត។ លោក សយ ស៊ីណុល ប្រធានមន្ទីរ ទេស ចរណ៍ ខេត្តកំពត បានអោយដឹងថា ភ្ញៀវទេសចរណ៍ មកលេងនៅខេត្តកំពត យើងបច្ចុប្បន្ននេះ មានការកើនឡើង។
លោក រតនា ម្ចាស់រមណីយដ្ឋាន ដូងទេរ បញ្ជាក់ប្រាប់ អ្នកយកព័ត៌មានយើងថា ត ម្លៃសេវាកម្ម ទូកកាយ៉ាក ៥$ ក្នុង ១ ម៉ោ ង ឲ្យខ្ចី អាវពង ២ ជួលអាវពង ១ តម្លៃ ៤០០០៛ ជិះទូកនេសាទតាមដងព្រែកក្នុង ១ ម៉ោង ៣០$ ជិះបានគ្នា ១២ នាក់ ទូកបង្គា ១ តម្លៃ ១០$ អាចជិះបានគ្នា ៥ នាក់ ( តម្លៃចរចាបានតាមជា ក់ស្តែង ស្លាយរំអិល ៣$ លេងមួយសេរី ។
