លោក ស្រិល អុិន ចៅសង្កាត់ផ្សារកណ្ដាលដឹកនាំក្រុមការងារ ចែកអំណោយជូនដល់សិក្សានុសសិស្ស អំណោយឧបត្ថម្ភពីរសប្បុរសជន ជាជនជាតិថៃ បុគ្គលិក កាស៊ីណូ ( កាឡាក់ស៊ី) នៅក្រុងប៉ោយប៉ែត!!!
ខេត្តបន្ទាយមានជ័យ៖នៅព្រឹកថ្ងៃអង្គារ ១២រោច ខែស្រាពណ៏ ឆ្នាំថោះ បញ្ចស័ក ពស ២៥៦៧ ត្រូវនឹងថ្ងៃទី១២ ខែកញ្ញា ឆ្នាំ២០២៣នេះ លោក ស្រិល អុិន ចៅសង្កាត់ផ្សារកណ្ដាល និងលោក អ៊ុយ ច័ន្ទរិទ្ធ ចៅសង្កាត់រងទី១ សង្កាត់ផ្សារកណ្តាលនឹងលោកវរៈសេនីយ៍ត្រី ប្រិម សុផល នាយប៉ុស្តិ៍នគរបាលរដ្ឋបាលផ្សារកណ្តាល ដឹកនាំក្រុមការងារសមាជិកក្រុមប្រឹក្សាសង្កាត់ផ្សារកណ្ដាលនិងអង្គភាពភូមិ លោកគ្រូ អ្នកគ្រូ បានចូលរួមចែកអំណោយមានដូចជា សៀវភៅ សម្ភារៈសិក្សា នំ និងរបស់ក្មេងលេងជាច្រើនទៀត ជូនដល់ប្អូនៗសិស្សានុសិស្សនៅសាលារៀនបឋមសិក្សាគីឡូម៉ែត្រ២ ចំនួន ២០០ នាក់ ស្ថិតនៅភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ដែលជាអំណោយសប្បុរសជន ជាជនជាតិថៃ បុគ្គលិក កាស៊ីណូ ( កាឡាក់ស៊ី ) តាមរយៈលោក ស្ងួន លីហួរ ។
